انا مصرى..انت مين؟

انا تحت الخط وللا فوق الخط..؟

السلام عليكم ورحمة الله وبركاته..
اهلا بيكم الساده المدونين ..عاملين ايه..؟
اتمنى تكونوا بخير دايماً..انا غبت كتير انا عارفه وكل بوست اقول نفس القصه غيابى وكذا وكذا..لان طبيعى كل مره اكتب بوست واغطس ههههههههه..ربنا يسهل الاحوال ومغطسش المرادى كمان..عموما..سيبوها على الله..
نرجع بقى لموضوعنا..الخط اللى فوق والخط اللى تحت..!!
اممممممم..يا ترى انتوا تحت الخط وللا فوق الخط وللا فى النص..؟

ايه حكاية الخط ده..؟انتى بتتكلمى عن ايه؟!!!
وايه ده اللى فوق وايه ده اللى تحت..؟!!
اقولكم انا ايه حكاية الخط ده..
انا بتكلم عن خط الفقر..
اكيد كلنا عارفين بالاجماع ان فى ناس كتير فقيره..يمكن تكون انت منهم او انتى منهم..ده اكيد كلنا لازم نمر بظروف اياً كانت..
وكلنا كمان عارفين ان فى ناس تحت خط الفقر..

طيب محنا عارفين ايه الجديد..؟
الجديد ان فى ناس تحت تحت خط الفقر مهلمش صله بالخط ذات نفسه..
ماهى حاجه تنرفز..لما يكون فى تباااااااااين واضح جداً فى المستويات والطبقات..

يعنى ايه..؟

يعنى سمعتوا عن فلان اللى بيملك 66 مليار جنيه وشوية كسور..
هى من وجهة نظره شويه كسور..
شوية الكسور دول يجى مثلا من 5 : 6 مليون..
بالذمه مش حاجه تضحك..
متنرفزتوش صح...؟

بس انا مزاجى انرفزكم النهارده..
سمعتوا عن اسمها ايه دى اللى عملت زفاف بـ 55 مليون وطيارات للمعازيم علشان توصل المعازيم الفندق وترجعهم تانى بيوتهم.. ههههههههههههه..انا اسمع الحقيقه عن الميكروباسات والبيجو..انما طيارات لأه لسمه متمدنناش الحقيقه..
انا عارفه ان القصه قديمه..بس اعمل ايه حاجه ومش قادره انساها..لما يتعمل زفاف بـ 55 مليون جنيه اومال الناس التانيه دى مش لاقيه تاكل ليه..
لما الفلوس كتييييييييييره قوى كده والناس مش عارفه توديها فين..
الـ 55 مليون جنيه دول يبنوا مستقبل بلد بأكملها..فى الحين الشباب مش لاقيين فرص عمل..
فى حين الارامل اللى بياخدوا ملاليهم..طيب وهتحسن دخلها ازاى..هتنزل تشتغل مثلا؟
فى حين ما فى موظفين كتير عندهم اولاد وبنات مش عارفين يعيشوا ومش عارفين يصرفوا على دراستهم ..
مش عارفين ياخدوا حقوقهم..
مش عارفين يناموا مرتاحين البال..
مش عارفين ..مش عارفين ...كتير قوى..

طيب احنا واجبنا ايه حضرتك يعنى..عماله من ساعتها تتكلمى كتير فى حاجات متخصناش..

لأ....بالعكس انا شايفه ان انتوا الاساس ..

لما الواحد يكون ربنا فاتحها عليه وكارمه يصرفها فى الفاضى وللا فى حاجه مفيده..
انا شايفه ان لو فى حاجه انت شايف انك مش محتاجها..اتصدق بيها حتى لو بجنيه الجنيه ده صدقونى بيفرق كتير قوى قوى..
الجنيه دلوقتى قلوا قيمته وبقى معدن..بس انا شايفه انه حتى لو صفيح عند ناس كتير هيفرق معاهم..
ومتقولوش احنا منعرفش حد علشان نساعده..
فى دلوقتى مليوووون جمعيه خيريه على اى جمعيه وحط اى مساعده ..
محدش هيقوللك ده قليل وللا كتير..
كفاية دعوه حلوه من حد كان محتاج قوى.. انت فى امس الحاجه ليها..وربنا يكرمك اكتر واكتر وتقول ياربى انت اكرمتنى علشان كذا وكذا..
وافتكر دايما ان الصدقه قبل ما تروح لاهلها ..تقع بين يدى الله تعالى..
اتمنى يكون فى ايجابيه اكتر..خلاص كلها 4 شهور ويوم اليتيم يكون جه..4 شهور بعيد..لكن فى ثانيه هتلاقى الـ 4 شهور دول عدوا بسرعه الريح..ومن غير يوم يتيم احنا لازم نفتكرهم فى اى وقت..
فى نهايه كلامى اتمنى اولا مكونش ازعجتكم بحديثى ده..
ثانياً..مهما ذادت الكنور احنا فقراء فى الدنيا اغنياء بالله..
وسلامى للجميع..

فقط..قل وداعاً وابتســـــم..!!

قلْ : وداعاً وابتسم..

حين تودعهم بحراره..

ويعدونك بأنك ستبقى في ذاكرتهم مهما طال الزمن..

ثم تعود إليهم بكل شوق ولهفه..فيعاملونك بجفاء وبرود..

فلا تعاتبهم..!!

فقط .. قلْ : وداعاً وابتسم..





حين يقدمون لك التهاني الحاره لنجاحك..

ويشاركونك فرحة تميُّزِك..

وتكتشف بعدها بأنهم تمنوا فشلك..

وسعوا من أجل ذلك..فلا تعاتبهم..!!

فقط .. قلْ : وداعاً وابتسم..



حين تعلمهم بتفاصيل حياتك..وتأتمنهم على اسرارك..

فتتفاجأ بسماع قصتك..

على ألسن من حولك..

فلا تعاتبهم..!!

فقط .. قلْ : وداعاً وابتسم..



حين تبذل اقصى طاقتك لدفعهم الى الامام..

وتذلل لهم دروب النجاح..

وتفرح لوصولهم لاعلى الدرجات..

فيقابلون كل ذلك بالنكران..

فلا تعاتبهم..!!

فقط .. قلْ : وداعاً وابتسم..



حين تعتبرهم من أخلص الاصدقاء..

وتراهم دائما حولك..

يمدحونك ويثنون عليك..

وتكتشف بأنك ما ان تدير ظهرك لهم..

يطعنونك بالظهر ويأكلون من لحمك..

فلا تعاتبهم..!!

فقط .. قلْ : وداعاً وابتسم



الموضوع ليس من كتاباتى..لكن محتواه اعجبنى كثيراً ومسنى كثيراً لان بعضه مررت به..وبعضه مررتم انتم به..

واشكركم جزيلا على المتابعه ورمضان كريم..

الإدراك المميت..

بسم الله الرحمن الرحيم..

وبه نستعيـــن..والصلاة والسلام على أشرف المرسلين..سيدنا محمد..وعلى آله وصحبه أجمعين..

لا اعرف أبداً بماذا أبدأ حديثى المميت هذا ..لكن دلنى قلبى على البدايه الطيبه بالصلاة على النبى أشرف المرسلين..

فعندما أكون هكذا مشتته او يتملكنى الخوف فلا أعرف أبداً إختيار كلماتى المعبره..

لم أكتب منذ فتره طويله جداً حتى ضاعت مفكرتى..وضاعت أحلامى..ويكاد أن يضيع قلمى أيضاُ..

نعم..أنا فى قمة خوفى..من ماذا..؟!!!!!!!

فهذا سؤال صعب جداً والأصعب الجواب ..بل الأصعب والأصعب إدراك هذا الجواب..الذى لم تكتمل نقاط حروفه بعد..

لم يأتى هذا الأوان حتى أعرف هل أنا..................من................؟!!!!!!!!!!

يطاردنى كثيراً شعور غريب..الموت والشعور بحياة ما بعد الموت ..

ما شكلها..وكيف تحدث..وما إدراكنا لها نحن كبشر..واين مكانى فى حياة البرزخ هذه..

حاولت كثيراً ان اجيب عن تلك التساؤلات التى زادت من حيرتى عدة سنوات وتزال تراودنى ولم أجد اية إجابه..

هل......حياتى إقتربت من النهايه..؟ أم من البدايه..؟

هل شعورى هذا صادق..؟أم انها مجرد هواجس..؟!!

كيف أمُت..ومتى..وأيــن؟!

لا أحد يعرف..بل من المستحيل..

هل يدركنى الموت وانا افعل شيئاً يغضب الله منى..؟

أم يدركنى وأنا طائعه له تحفنى الملائكه وتطمئننى بلقاء وجه رب كريم..وتخبرنى أننى نفس طيبه وتبشرنى بالجنه..؟

أم يدركنى وأنا لا أفعل شيئا سوى النوم..؟

أم يدركنى الموت وأنا وحدى لا أحد بجانبى..؟

أم يدركنى وأنا مع عائلتى..؟

أم يدركنى أنا مع أصدقائى الذين أحبهم ويحبوننى..؟

أم..........يدركنى فى حادث مرير..؟

أم يدركنى وأنا جالسه هكذا فى هذا الوقت أنتظره وينتظرنى..حتى تخرج أنفاسى الأخيره للقاء ربى..؟

هذه قمة الموت..لا أريد انا اصعب على نفسى ولا عليكم..

ما أفكر فيه..كيف أواجه الموت..ملك الموت..الله سبحانه وتعالى..لقاء الملكين فى قبرى..وهم ينهروننى..

ونسيت لقاء أخر..عملى فى الدنيا..!!!!!!!

التفكيير بسكرات الموت..كثرتها أرهقتنى كثيراً..هل أدركتم ما معنى سكرات..

سكرات..

سكرات..

يالها من قسوة حروف وقسوة معانيها المليئه بالاشواك القاسيه..

كلنا ذائقين الموت بلا شك..اليوم ..غداَ ..بعد غد..فى أى وقت..

وهذا ما يرهقنى..هل من شك أننا ذائقين الموت..؟

أبداً ومعنى ذلك أنه لا مفر...........!!!

تفكيرى فى كل هذه الأشياء شده طمست على شعورى بالحياه..تلك الشعور يطاردنى حتى إفتقدت معنى فرحه..

يطاردنى فى المره ألف مره..حتى كاد قلبى ان يموت من الفزع والخوف..كدت انا اتلفت من حوالى حتى أتاكد من كل هذا..

لكنها هواجس..مميته..

ياربى ما هذا..وما الذى يحدث لى..؟إننى اطمئن بذكرك وبوجودك بجانبى..

أجل اشعر بك وأنت جانبى فلا طمئنينه الا بك..ولا خوف او فزع مع ذكرك..

فلماذا كل هذا يطاردنى..؟

لقد تعبت كثيرا من هه الافكار حتى..طاردتنى حتى فى أحلامى ونومى..فأستيقظ من نومى مفزوعه..

انسى نومى وراحتى..

الموت حق..ولقاؤك ياربى حق..والجنة حق..والنار حق..والحساب حق..

هل ما افكر فيه عقاب لنفسى..هل قلبى وعقلى يعاقبوننى عن شئ ارتكبته..؟

اننى لا ادرى ما الذى ارتكبته حتى اشعر بكل هذا الفزع..

لا استطيع ان اجلس وحدى وانا فى هذه الدوامه..

لا اعرف..

يارب هون علينا سكرات الموت وثبتنا عند القول الثابت فى الحياة الدنيا وفى الآخره..

أطلب منكم الدعاء لى حتى أتخلص من هذا الكابوس المميت..إنه بالفعل كابوس لا اتمنى أحدا منكم أن يشعر به..

والله الهادى..

وحشتوووووووووونى جداااااااااااً..

إخواتى المدونين..أسعد الله صباحكم بكل الخير..بس والله احنا مش الصبح..تقدروا تقولوا الواحده بعد الضهر بس فى ناس بقى دى عندها صباح الخير..

اخر بوست كتبته كان عن فلسطين وكتير ناقشنا القضيه الفلسطينيه وعرفنا من هم المتعدى والخارق لحقوق الانسان..

هل الكيان الصهيونى..هل حركة حماس..هل السبب هو العراك مابين حركة حماس وحركة فتح..؟

فى النهايه..النصر قادم ودى الحياه وكل شئ مكتوب لينا فى الدنيا دى هنشوفه لكن اللى متأكدين منه فعلاً ان الظلم والفساد والانتهاك عمره ما بيعيش..وعمر ما كانت الحاجات دى بتمثل القوه..واذا كانوا فاكرين ان ده عنصر القوه يبقى سورى هما عالم متخلفين نفسيا وعقلياً..

غيابى الفتره اللى فاتت..واللى المدونين بيتسائلوا عنه هو ان من بعد الحدث ده وانا مصابه بصدمه وتكاد نفسيتى كانت مدمره..

ومكنتش عارفه اكتب ايه وللا ايه من بعد الاحداث الجاريه فى غزه..ولو فضلت على الحال ده مش هدون خالص وهفضل ادخل كل يوم اتفرج على المدونه وخلاص..علشان انا لما بفتح فى الموضوع ده محدش بيعرف يسدنى..

المهم ..

اليوم انا بعلن عن حاجتين..يهمنى جدا جدا ان كل المدونين يزورونى فى اللى هعلن عنه ده..

اولاً انا عملت مدونه جديده للطبخ..او بمعنى افضل..للعلوم الغذائيه بشكل متسع شويه..

يعنى مش هتكلم عن الاكلات وبس..لأ..انا هتكلم عن كل شئ خاص بالاكل وايه هو الغذاء الصحى والمناسب..

وايه الاكلات اللى تنفع للمرضى وللسمنه والنحافه والاطفال والى أخره..وهوضح تأثر الاكلات على بعضها بيكون عامل ازاى..كل حاجه انتوا تتخيلوها ان شاء الله هتكون موجوده..

وده لينك المدونه.My Kitchen

ثانياً..وده الأهم..انا عملت منتدى..اكيد اغلبكم عارف يعنى ايه منتدى..هو يعتبر خاص بكل المجالات..وهتلاقوا مشاركات كتيره جوه تهمكم وتهم كل الاعمار وكل الأجناس..فيه ادب وفن وشعر وقصص ونقاش وحاجات خاصه بآدم وحواء..فيه أطفال فيه صور..فيه اسلاميات..يعنى لما تزوروه هتعرفوا اكتر انا بتكلم عن ايه..وعشمى فيكم تساعدونى فى نشر المنتدى ده..والله المعين..

وده لينك المنتدى..(منتـــدى إبــداع شباب الجامعـــات)

وانا شاكره ليكم جداً جداً..واسفه عن غيابى..

هل هى حرب أم مجذره أم إباده..؟!!!!!!!!!!!!!!

انا لا اعرف حقاً ما الذى يحدث على وجه التحديد..
لقد أصبت بالتشويش..بالزعر..بالخوف والقلق..
هل ما يفعلونه تلك الإمعات حلال..؟
هل ما يفعلونه تلك الخنازير المقززين حلال..؟
هل ما يفعلونه تلك الدببه أذلهم الله بحلال..؟

انظروا الى هذه الصوره..

وهذه الصوره..









شعب يغرق فى بحرٍ من الدماء..
انتم تبيدون من..وتقضون على من..
أطفال صغار لا حول لهم ولا قوه..بصواريخ تفجر الأحشاء من الداخل..












متفجرات محرمه دولياً..؟!!!!!!!!!!!!!!!!
يالكم من فجر واستفحال..انتم حيوانات تدب فى الأرض..
عالم صعاليك دببه..وأكثر من ذلك..

على حد علمى أن الحيوانات لديها مشاعر جميله نحو الأطفال ونحو اى كائن يصيبه مكروه..
فما بالكم باللذى يقتل ويفجر ويطغى ويذل..اريد انا اعرف ما الذنب الذى ارتكبوه هؤلاء الأطفال الأبرياء..انهم ملائكه..

دوله فاجره تنتهك حقوق شعب بأكمله..بل وإنها تنتهك حقوق المسلمين المشروعه..

يعيشون الأباء والأبناء والشيوخ والسكاله بالحسره على أبنائم الشهداء..

لا تنزعجون إنهم شهداء عند ربهم يرزقون فما أكرم من أن يكرم الله المرء بالشهاده..

عيناى تدمع بدلاً منها دماء..قلبى يتهشم أشلاء لما أراه..

يدب الصاروخ فى عقلى..لا أستطيع تحمل ما أراه فما بالكم بمن يتعايش مع هذه المشاهد..؟!

أنا أحتج على تلك اللجام الذى يلتصق على أفواه العرب نحو إخوانهم..
أحتج على المهانه والذل..
أحتج على الإنعزال التاااااااااام..

إطمئن يا أبى فإن إبنك شهيد..شهيد يا أبى..مسكنه الجنه مع الملائكه مع ((الله)) الذى لا إله غيره..

وهو القادر على كل شئ..ومتطلع على ما يفعلونه الفجره بالأبرياء..

مشردون فى الشوارع والطرقات لا يجدون مأوى ولا غطاءٍ يحميهم من البرد القارص..
ومحرومون من الدواء والحمايه..محرومون من الأمن والأمان..
محرومون من حقوقهم.
.ما هذا يا ربىىىىىىى..لا أستطيع التحمل أكثر من ذلك..
يرضى من كل هذا..!!!!!

أريد أن افعل اى شئ ولكننى لا أستطيع فعل شئ سوى الدعاء لهم بالرحمه..

والدعاء على من ظلمهم وعاداهم وانتهك حرماتهم..وشردهم..

أصبحت لا أستطيع حتى على التركيز..لقد فقدته..
السؤال يجيب نفسه..إنها إباده جماعيه..!!!!!!!!!!!!!!!!!

صرخـــة إغتصـــاب..

العنوان موضح كتير انا عاوزه اقول ايه او..هقول ايه..
يمكن الوضح حساس شويه انى اتكلم فى نقطه زى دى لكن احساسى بالفزع كل ما بسمع شئ زى ده بيجبرنى كل يوم عن التانى انى اصرخ بصوت عالى واقول..((حسبنا الله ونعم الوكيل فى كل من ظلمنا وعادانا وآذانا....وحسبنا الله ونعم الوكيل فى كل سارق لاعز ما يملك الانسان بل كل ما يملكه..))
رد فعلى عن اللى بسمعه وبشوفه فى التليفزيون وبقراه فى الجرايد ..ومش بس كده وانا ماشيه فى الشارع بشوفه بيحصل لدى ولدى ولدى..

ايه اللى احنا بنسمعه ده..
ايه رد فعلك..؟
عادى ده بقى وللا ايه..؟

كل يوم اسمع عن خبر جديد..هو هواه نفس الخبر بس بطريقه جديده..
بنات..زى اى بنات..اللى عندها 20 سنه واللى متزوجه واللى منقبه واللى محتشمه واللى غير محتشمه..وحتى اللى عندها خمس سنيين مش عاتقينها..
ده انا يسرقوا مالى وكل حاجه عندى..ده انا يقعدونى فى الشارع ولا يسرقوا اغلى حاجه عندى..
المال بيروح وبييجى..والممتلكات بتروح وبتيجى..والدهب بيروح وبييجى..كل حاجه بتروح وبتيجى..الا الحاجه الوحيده اللى الانسان عايش عليها..اللى مخلياه رافع راسه بين الناس..اللى لو حد اخدها بدزن شرع الله يروح يموت احسن..يحط وشه فى التراب احسن..

طيب البنات اللى ملهاش زنب دى تعمل ايه..
ايه اصلاً الدافع اللى يخلى شخص وقح اى وقح بقى يرتكب جريمه زى دى..
فيه ناس بتقول البطاله..وانهم عاوزين يتجوزوا ومفيش فلوس ولا فيه شقه ولا فيه شغل..يقطع نفسه يعنى..؟
لااااااااء يبهدل فى بنات الناس..

ده اسمه عبط..
كلام وخلاص بيدارى بيه سبب شهوته..
بتشتهى لحاجه مش بتاعتك ليه وبتاع ايه..مين اداك الحق..انك تقتل دى وتسرق دى وتنتهك حرمات دى..
لأ بجد كتير..

البنت زنبها ايه تدفع تمن حاجه مش ليها يد فيها..بتدفعها تمن حاجه مالهاش صالح فيها ليه..واى حاجه دى اغلى حاجه يا اخى..اتقى الله..ربنا رقيب وشايف اللى انت بتعمله..جبت الشناعه دى منين وانت عارف ان ربنا شايفك ومع ذلك بتستمر..
انا نفسى الناس تفوق شويه وتفهم..ان احنا مش عايشين للجواز والشهوه بس..احنا عايشين لحاجات كتير..حاجات كتير مهمه غير القرففف ده..

الوضع دلوقتى اصبح علنى جداً..وبيحصل كل يوم..والاساليب اصبحت فيها فن..بيفننوا فى دى كمان..(تحصل باى طريقه وفى اى مكان وزمان..)
ده مبقاش فعل بس..اصبح كمان فى تحرش بالكلام..يعنى ان مكانش دى يبقى دى..
اهو بنتسلى واحنا ماشيين..مش ده اللى بيحصل..

كل ده ليه..؟..
استغفر الله العظيم ياربى..

خلاص يابنتى اقفلى على نفسك بابك ومتخرجيش..
هو ده الحل يعنى..؟لا ده مش حل..
ده فيه ادوات مخصووووووووصه بتفتح ابواب الناس وهى نايمه..استغفر الله العظيم..

ايه رايكم فى الكلام ده..
ها..؟
البنات تمشى مسلحه فى الشارع..؟
تلبس وش بيخوف وهى ماشيه..يمكن يتخض يطب ساكت وللا حاجه..

ده فى العيد اول يوم بس..50 حالة تحرش فى الطرقات العامه..

حسبنا الله ونعم الوكيل وفوضت امرى ليك ياربى
واسفه بجد انا دمى محروق لأقصى درجه..مش قادره استحمل المهزله دى..
وكل عام وانتم بخير ..

عارفه انها جايه متأخره..

أصدقائى وزملائى المدونين..
بعد غياب طويل جداً بكتب البوست ده..ومحرجه جداً وأنا بقوللكم كل سنه وانتم طيبين..
لإنها جايه متأخره قوى.. بس الحقيقه كنت مشغوله وبشده..
يعنى ظروف رمضان وما قبل رمضان.. الا وهو الخبر السعيد..خبر خطوبتى..
عقبالكم جميعاً وخااااااااصه بنوتات التدوين.. فكان ده اللى شاغلنى شويه عن التدوين..

لكنى معتزلتش التدوين زى ما البعض توقع ذلك.. بس والله غصب عنى..
انا مبسوطه قوى لانى وجدت ناس كتير انا بحبهم سألوا عليا فى غيابى..
بس فى كمان ناس كنت متوقعاهم متواجدين بس ملقيتهومش..
يمكن ظروف عندهم وده اللى هنعرفه لاحقاً..
بس ده برده ميمنعش ان فى عشم بينى ومابينهم..

أنا بقوللكم كل سنه وانتوا طيبين للمره التانيه..شهر رمضان ذكرى جميله بيتحيا جوايا..
بكل مافيها من ذكريات..سواء مؤلمه او سعيده..
شهر رمضان بجد مهما ان عملنا او جاهدنا فى حياتنا..مش هنقدر نعوضه..
علشان كده بنحاول نستثمر كل لحظه فى الشهر ده لانه شهر الخير فعلاً..
وتحسوا ان فيه روحانيات جميــله بجد..غير اى شهر تانى..
وياسلام بقى على ليلة القدر..جميله جميله جميله.. ليله بجد لا تعوض..
قال الله تعالى..
" ليـــلة القدر خيرُ من ألف شهر..تنزل الملائكة والروح فيها من كل أمر..سلامُ هى حتى مطلع الفجر.."
صدق الله العظيم..

فتخيلوا بقى ليلة القدر لما نكون كلنا بنصلى فى بذوغ الليل..
وتحسوا بالملايكه بتحف من حواليكم..بجد احساس رائع..

انا مش عاوزه أطول عليكم..انا فتحت مواضيع كتير بس بجد كان نفسى اتكلم معاكم من زمان..
ومفتقده التدوين بجد علشان كده عندى استعداد انى افتح مواضيع كتير..

بالحق..حسن حسفى صاحب مدونة sheva..بعتلى تاجين..
ان شاء الله يا حسن اوعدك فى اقرب وقت ممكن اجاوب على التاجين ان شاء الله..
كل سنه وانت طيب..

طمنونى عليكم..وكل سنه وانتوا طيبين جميعاً..
ومره تانيه عقبال كل المدونين شباب وصبايا..

دمتم سالميـــن..