CLICK HERE FOR BLOGGER TEMPLATES AND MYSPACE LAYOUTS »

الأربعاء، 2 مارس، 2011

عــم القــــــــــــــذافى..




ازيكم الاول..واخباركم ايه فى الدنيا بعد الثوره..
انا متاكده ان شعوركم نفس شعورى اثناء وبعد الثوره..وحاسه بكلللل اللى حسيتو بيه لان ده اول حدث الحقيقه يحصل فى مصر وكلنا نفكر فى نفس التفكير ونحس بنفس الاحساس..
حتى احساس الحريه بعد الثوره بنسب متقاربه..

مفتحتش المدونه من زمان..كتير كنت ببقى عاوزه افتحها..بس مش عارفه ليه كل ما اجى افتحها صوابعى تبعد..

ماعلينا خلينا فى انكل القذافى اللى مدوخنا وراه وهيجيبلنا الضغط..
انا حاسه يا جماعه ان الراجل ده فريد من نوعه..يعنى فاقد كل شئ ربنا خلقه لاى انسان عادى..
فاقد الاحساس بالمسئوليه..متخلف..
دماغه متركبه شمال..سايق الهبل..
نفسيته مش متظبطه..عقله مش فى دماغه وبدالها حته طوبه..
ومنفوخ نفخه سوده لدرجة انى حاسه انه قرب يفرقع من كتر النفخ..
و........و..........و...........

فى كل بيان يطلع يقول كلام يجيب السكر يعنى لو مطلعش يبقى احسن يعنى
حقيقى انا بشفق على الشعب الليبى منه..وفى نفس الآن اضحك على طريقته يعنى راجل غريب من نوعه هم يضحك وهم يبكى..
مره يطلع يتكلم من توكتوك..والى الامااااااااام...
ومره يطلع من على السطح...وافرحوا غنوا ارقصوا..

يخرب بيت سنينك هتجيبلنا الضغط بدرى..

انا قعدت فى يوم مع نفسى كده ادور هو دماغه ليه متركبه شمال..
ولا هو عنده شذوذ عقلى مثلاً..
مقدرتش اوصل لحاجه..وبصراحه مش عارفه حله ايه..
مش هيسكت الا لما قوات اجنبيه تدخل وتحتل البلد وشعبه يبقى فى الضياع زياده..
انا مش عارفه بصراحه حله ايه..لا نملك للشعب الليبى الان سوى الدعاء بالنصر مثلما نصرنا الله..
والتخلص من الفاسدين والدمويين كما خلصنا الله سبحانه وتعالى من كل فاسد وظالم ودموى..
قولو آااااااااامين..


4 التعليقات:

الملاك يقول...

السلام عليكم ورحمة الله وبركاته
ازيك يا ميادة عامله ايه يارب تكونى بخير حال
ازاى تقولى انى ممكن اكون نسيتك ده ربنا يعلم معزتك عندى وحشتنى جدا جدا جدا

حمد لله على عودتك الى مدونتك التى نستشعر من خلالها روحك ونراك من بين كلماتها

بجد يا ميادة احنا كنا شعوب غبية ومستسلمة تسير مثل الانعام والا مكناش نتفاجاء بحقيقة الناس الى كانت بتحكمنا
كل الى بتمناه من ربنا انه يغفر لنا ويسامحنا و ولا اكيد هندفع ثمن 30 سنة سكوت

بجد القذافى ده شخصية غريبة جدا بس هقول ايه احنا الى خليناهم يحكمونا لحد ما تقدم بهم العمر فاصبح كل منهم لا يقوى على التميز بين شعبه الذى يجب عليه حمايته وبين عدوه الذى يجب عليه الفتك به و احنا الى خليناهم يحكمومنا فترات طويلة حتى شعر كلا منهم بأن هذا الحكم ملكيه خاصة به لا يمكن التنازل عنها بل يجب ان يرثها ابنائه واحفاده واحنا الى عودناهم على بريق الكرسى الذى لا يزول حتى أستباحوا دمائنا وأعراضنا فى مقابل الحفاظ عليه والان نطالبهم بالاستغناء عنه فورا وننتظر منهم ان يستجيبوا لنا فورا ايضا

ربنا يهديه ويمشى ويرحم نفسه ويرحم اخواننا فى ليبيا

اللهم ارفع مقتك وغضبك عنا
اللهم انصر اخواننا فى ليبيا فإنك وعد بأنك تغير ما بالقوم اذا ما غيروا ما بانفسهم وها قد غير اهل ليبيا ما بانفسهم وأعلنوا عن رفضهم للظلم ولوجود الطغاه بينهمفانصرهم يا ارحم الراحمين
انك الحق ووعدك الحق
اللهم ارحمنا جميعا واعفو عنا جميعا وتب علينا وثبت اقدامنا وانصرنا على القوم الكافرين


معلش يا مياده طولت عليكى بس بجد انا تعبانه قوى الايام دى ومش عارفه ليه ومصدقت اطلع الى جوايه

دمت بخير حال

Beram ElMasry يقول...

ابنتي العزيزة مايادا
ان شاء الله سيظل الشباب طاقة الضوء والالهام لهذة الامة ماداموا من امثالك قلوبهم حارة وعزيمتهم ماضية.. سعيد بمرورك ولاتحرمينا الزيارة والنقد

تحية وسلام ولاسلام مع بني اسرائيل

YaQeeN يقول...

ازاى بقى يا ملاك..اومال بلوج سبوت معمول ليه..
ماهو علشان نطلع اللى جوانا..وسعيده جدا بالكلام اللى قلتيه..
ربنا يتقبل منك دعائك يارب..
ويصلح حالنا وينصر أهل ليبيا وأهل اليمن..عاجل غير آجل ان شاء الله..

نورتينى والله

YaQeeN يقول...

استاذ بيرم..

سعيده جدا لمرورك وتعليقك الثمين
وان شاء الله ازور مدونتك الخااااصه ونستفيد من حضرتك كلنا

تحيه وسلام ولا سلام مع بنى اسرائيل